Здравко Чолиќ, можеби најголемата балканска ѕвезда и Фрида од „АББА“, дама за пример. Овие двајца спиеле заедно еден викенд по Евровизијата во 1997 година, а ова Чолиќ тогаш го признал за медиумите, пишува Мондо. Во време кога „АББА“ се враќаат на сцената со нов албум и онлајн турнеја, нови факти испливуваат на површината.
Чолиќ, пејачот кој ги полуде жените ширум светот е во хармоничен брак веќе 20 години и има две ќерки. Сепак, во 1997 година, Чолиќ ги шокираше сите со тоа што призна дека бил заведен од Фрида Лингштад од групата „АББА“ и во таа прилика ги раскажа сите детали од нивната кратка врска.
Сè се случило кога Чолиќ ја претставувал Југославија на Евросонг-от во не толку дамнешната 1997 година со песната „Гори ватра“. На Евровизијата, Фрида била вокалистка за шведскиот претставник, дел од пратечките вокали, а потоа се случила споменатата средба, заради која за малку Фрида ќе задоцнела на настапот.
– Се сретнав со Фрида од групата „АББА“ на „Евровизија“. Каде на друго место, ако не таму. Потоа таа ме покани на викенд. Изгледаше ветувачки, но по трите идилични денови се почувствував искористен како инстант-супа. Ја готвиш за пет минути, ја јадеш топла и тоа е тоа. А сè беше таму: кабината со дрва и каминот, свеќите и цвеќињата, карираните завеси и чаршафите, печената риба во фолија од бадеми и етеричните масла…Но, вистинската, единствена, луда страст што се случува помеѓу маж и жена, таа отсуствуваше. Немаше спонтаност, така што сè изгледаше како кога ќе закажете тренинг за двајца во теретана – рече тогаш Чолиќ за медиумите.
Во продолжение, видете ја деби-нумерата од новиот албум на „АББА“.
