Кавадаречкиот фудбалски прволигаш Тиквеш од вчера има нов тренер, Влатко Костов, под чие водство очекува на крајот од сезоната да избори опстанок во елитниото натпреаврување. Дебито на клупата кај кавадарчани сепак Костов нема да може да го има на утрешниот натпревар против „својата“ Брегалница во Штип.
Поради административни причини Костов на клупата кај кавадарчани ќе следне во следното коло.
-Можа да кажам дека жалам што нема да бидам на клупата на натпреварот против Брегалница во Штип затоа што јас сум човек кој не сака алиби, сакам директно да си ја понесам одговорноста на терен. Поради административни причини бидејќи покасно се раскина договорот со претходниот тренер, не можеше да се заврши регистрацијата, но потенцирам дека не сакам алиби и јас од денеска ја преземам комплетната одговорност за резултатите на Тиквеш, вели Костов по првиот работен ден со тимот на Тиквеш.
