Девет лица загинаа во пожарот што избувна утрово во болницата за инфективни болести во романскиот град Констанца, соопштија тамошните власти. Пожарникарите го изгаснаа пожарот во 10:55 часот по локално време, со помош на засилување од други региони.
Привремениот романски министер за здравство Цеке Атила рече дека во моментот на пожарот во болницата имало 113 пациенти, а 10 биле на интензивна нега.
Досега 50 пациенти се пренесени во други болници, а пред зградата е поставен мобилен тријажен центар.
Во февруари, во пожар во ковид болница во романската престолнина Букурешт загинаа шест лица. Минатиот ноември, десет лица загинаа во пожар во одделението за интензивна нега во болница во Пјатра Нимт, на североисток од државата.
