Судот во Ватикан ослободи двајца свештеници за вмешаност во наводна сексуална злоупотреба на младински семинар во Ватикан од 2006 до 2012 година.
Денеска, 29-годишниот свештеник Габриел Мартинели е обвинет дека го принудил Л. Г. на секс пред неколку години кога двајцата биле малолетници. Судот утврди дека имало сексуален чин помеѓу двете момчиња, но дека нема доволно докази дека Л. Г. бил принуден да го стори тоа.
Судот исто така утврди дека има противречности во сведочењето на Л. Г., пренесува „Ројтерс“.
Ова судење, кое почна пред една година, е прво во Ватикан што се спроведува под обвинение за сексуална злоупотреба.
Обвинителството побара и четиригодишна затворска казна за свештеникот Енрико Радиче (72), кој во тоа време бил ректор и кој бил обвинет за прикривање на наводното злосторство.
И Мартинели и Радиче постојано ја негираа вината и тврдеа дека Л. Г. ги користел обвиненијата за лична одмазда против нив.
