Словачкиот премиер Едуард Хегер денеска истакна дека проширувањето на ЕУ кон Западен Балкан е многу важно. Во изјава пред Самитот ЕУ-Западен Балкан на Брдо кај Крањ, тој нагласи дека е многу важно одржувањето на собирот.
– Мислам дека фактот што бевме во можност да обезбедиме 30 милијарди евра за регионот, јасно покажува дека го гледаме како важен дел од Европа, објасни Хегер.
Според него, важно е ЕУ да стане глобален лидер, а тоа е можно само ако дејствува обединето кон своите глобални партнери.
