Холандија се надева дека по изборите во Бугарија ќе дојде до напредок во надминување на спорот меѓу Скопје и Софија и ќе стори се што е во нејзина моќ за надминување на бугарската блокада за старт на пристапните преговори Северна Македонија со ЕУ, изјави денеска холандскиот премиер Марк Руте пред почетокот на Самитот ЕУ-Западен Балкан во Брдо кај Крањ.
– Ќе треба да почекаме на изборите во Бугарија. Не сум среќен со фактот што пристапните преговори со Северна Македонија се уште се блокирани. Сметам дека тие треба да се деблокираат што е можно побрзо. Знаме и се надеваме дека тоа веројатно ќе се случи по изборите во Бугарија и ќе се обидеме да направиме се што можеме за тоа да се случи, нагласи Руте.
