Планираме долж целиот кеј на Вардар, кој е уреден и среден после децении, да посадиме дрворед кој ќе брои околу 2.500 израснати дрвја, најави денеска актуелниот градоначалник на Скопје и кандидат за втор мандат, Петре Шилегов.
„Ова освен што ќе значи многу за животната средина, кејот за неколку години ќе биде целосно под сенки што ќе го направи уште поатрактивен за посетителите“, изјави тој на денешната прес-конференција, додавајќи дека тоа ќе биде најдолгиот дрворед во Скопје, па веројатно и многу пошироко.
„Успешните политики во делот на екологијата, загадувањето и битката за поздрава животна средина даваат резултат. Она што функционираше сега го засилуваме и за четири години, а верувам дека темата за чист град ќе биде апсолвирана, правејќи го Скопје еко-град“, потенцираше Шилегов.
