Со пет натпревари попладнево е комплетирано 10. коло во Првата македонска фудбалска лига (ПМФЛ) во кое лидерот Шкупи забележа гостинска победа над Тиквеш, а актуелниот шампион Шкендија загуби на гостувањето во Струмица.
Шкупи минимално го совлада Тиквеш на гостувањето во Кавадарци со голот на Абдул Рватубаје (30 минута), додека Академија Пандев со пресврт триумфираше на домашен терен над Шкендија со 2-1 преку двојниот стрелец Мартин Мирчевски (77, 86), откако претходно Љупче Дориев (17) го донесе тетовскиот тим во водство.
Резултати од 10 коло:
Академија Пандев – Шкендија 2-1, Брегалница – Македонија ЃП 4-1, Ренова – Пелистер 2-0, Струга – Борец 1-1, Тиквеш – Шкупи 0-1. Работнички – Скопје 0-1 (одиграно вчера).
Табела: Шкупи 23 бода, Ренова 21, Академија Пандев 18, Брегалница 16, Работнички 15, Шкендија 14, Струга 13, Скопје 12, Македонија ЃП 10, Борец 8, Тиквеш 6, Пелистер 4.
