Гласањето од утрово од 7 часот започна навреме и се одвива во најдобар ред, информираше претседателот на Државната изборна комисија Александар Даштевски.Денеска гласаат стари, болни и изнемоштени, потоа оние кои се болни од Ковид или се во изолација, раселени, како и лица кои се на издржување казна затвор или се во притвор. Сите овие лица гласаат со стариот метод, односно не се користат фингерпринт апарати туку со УВ ламба. Даштевски рече дека се преземени и мерки доколку се случи некаде проблем.
-За овој процес обезбедивме 400 лица кои ќе помагаат, ИТ лица, од кои 320 ги обезбеди Државната изборна комисија а 80 компанијата која ни ги продаде овие уреди. Ние имаме 15 посто апарати повеќе купено, тоа се 520 апарати. Тие 400 лица, што не се малку, според мене, веднаш дел од нив треба да отидат и да го сменат и да ја стават сим картичката да ја префрлат во апарат и да продолжи гласањето, истакна Александар Даштевски.
