Весковски: Заедно тргнавме по патот за најдоброто за нашата општина и треба заедно да ја постигнеме целта

Заедно тргнавме по патот за најдоброто за нашата општина, најдоброто за нашата држава. Заедно и обединети треба да продолжиме напред за да ја постигнеме целта и да го оствариме најдоброто за Карпош. Нашата општина може и мора да оди само напред, со реализација на граѓанскиот концепт, со реализација на проевропскиот концепт преку реално остварливи проекти од полза за секој граѓанин, вели во своето обраќање кандидатот за градначалник во Карпош Душко Весковски од СДСМ и додава:
-Пред нас, претстои многу работа, треба да вложиме заеднички труд за да го направиме најдоброто за Карпош, да го направиме уште подобро место за живеење и  сите да се гордееме што сме карпошани.  Карпош да биде општина за пример, не само во државата, туку и пошироко.
Да се обединиме и заеднички да ја потврдиме довербата која води до победа, победа за најдоброто. Да се обединиме и да го дадеме својот глас за нова енергија, нови проекти, подобра иднина. На 31 октомври да го заокружиме бројот 12 и да ставиме крај на манипулациите, измамите, лагите и лажните ветувања. Да не се враќаме во минатото, туку да продолжиме по патот кој води напред, патот за НАЈДОБРОТО ЗА КАРПОШ.