Американската администрација планира на 15 декември да објави нови материјали поврзани со атентатот во 1963 година врз 35-от претседател на САД Џон Кенеди, соопшти прес-службата на Белата куќа.
Во соопштението се вели дека во 1992 година Конгресот на САД објавил дека сите информации релевантни за атентатот на Кенеди „треба постепено да се обелоденуваат” доколку тоа нема да им наштети на одбраната, разузнавањето, спроведувањето на законот или на надворешната политика на државата.
Американските агенции моментално ги истражуваат документите.
Актуелниот американски претседател Џо Бајден го одобри редоследот по кој ќе бидат објавени материјалите. Некои од нив се очекува да бидат претставени на 15 декември.
Објавувањето на вториот дел ќе се одложи по барање на американските агенции. Се очекува дека нема да биде обелоденет до 15 декември 2022 година. Релевантни препораки веќе беа дадени од раководството на американската Национална администрација за архиви и записи.
Можно е некои од документите да не бидат објавени по 15 декември 2022 година, јавија американски медиуми.
