Барселона отпатува за Мадрид на дуелот со Рајо Валјекано без Ансу Фати. Талентираниот млад офанзивец неодамна се врати во тимот по пауза од речиси цела сезона, постигна и неколку голови за Барселона, но по дербито со Реал Мадрид се пожали на болка во коленото на десната нога, поради што тренерот Роналд Куман го остави да ги направи потребните лекарски прегледи.
Рајо чиј гол го брани македонскиот репрезентативен чувар на мрежата Столе Димитриевски во вечерашната пресметка на „Валјекас“ ќе ја дочека Барселона со серија од четири победи на последните исто толку натпревари и со еден бод повеќе од шпанскиот гигант.
Покрај Ансу Фати, Роналд Куман нема да може да смета ниту на Френки де Јонг, а подолго време повреден е и Бреитвајт.
