Тренерот на италијанскиот фудбалски калчолигаш Милан, Стефано Пиоли може да биде горд на она што го направија неговите иизбраници во првите 10 кола во новата сезона во Серија А. Милан за првпат после 67 години успеа да има старт без пораз во првите десет кола од Серија А. Имаат скор од девет победи и едно реми со што е повторена победничката приказна од далечната 1954 година. Синоќа Милан го совлада Торино (1:0), а Пиоли беше задоволен од освоените бодови.
-Одигравме четири натпревари во 10 дена и немавме многу опции за ротација против Торино. Торино е еден квалитетен тим против кој не е лесно да играте, но ние ја исконтролиравме добро ситуацијата. Остваривме голем резултат, горд сум што гледам великодушност и глад за победи во овој тим. За викендот не чека дербито со Рома и тоа ќе биде тежок натпревар – изјави Пиоли.
