Најмалку едно лице загина, а 11 се повредени во експлозија на гас рано утринава во градот Пуебла во централно Мексико, а причината најверојатно е нелегално поврзување на гасоводот, изјавија официјални лица.
Гувернерот на Публе, Мигел Барбоса, изјави дека 2.000 луѓе кои живеат во радиус од еден километар биле евакуирани пред експлозијата по итен повик до официјалните лица дека се чувствува мирис на гас во областа.
Во тек е потрага по лицата кои останале заробени во срушените куќи. Локалните власти проценуваат дека во експлозијата се оштетени меѓу 30 и 50 згради. Првата од трите експлозии се случила во 2:50 часот по локално време. Се претпоставува дека дошло поради кражба на гас преку див вентил на цевководот. Следеа две нови експлозии.
Hubo una explosión muy fuerte en San Pablo Xochimehuacan en el Estado de Puebla hace unos minutos.
Se sintió en Rancho Colorado y sus al rededores. pic.twitter.com/Gx1L4SgKaz— 𝓜𝓲𝓬 𝓬𝓱𝓮𝓬𝓴 🎙 (@raingurlblue) October 31, 2021
Компанијата што управува со гасоводот, Петролеос Мексиканос, соопштила дека на местото на експлозијата е пронајден танкер со 25 плински боци.
Гувернерот рече дека спасувачките екипи со кучиња трагаат по можни жртви, иако нема извештаи за исчезнати лица.
Во слична експлозија што се случи во 2019 година во град северно од Мексико Сити загинаа 128 луѓе.
🔴 Así una familia salía de su casa en medio de las explosiones por toma clandestina de gas LP, registradas esta madrugada en San Pablo Xochimehuacan #Puebla; ponga mucha atención a la última explosión.@Pueblaonline pic.twitter.com/WL5G11JGrb
— Arturo Luna Silva (@ALunaSilva) October 31, 2021
