Српскиот кошаркарски интеранционалец во НБА-лигата, Никола Јокиќ по одработената казан од еден натпревар неиграње поради кошкање со противнички играч од редовите на Мајами, се врати во тимот на Денвер со блескави партии. Ноќеска одигра втор меч во кој беше најзаслужен за победта на Денвер против Портланд (124:95). Србинот Јокиќ средбата ја заврши со 29 поени, а на спротивната страна Мекалум постигна 21 поен за тимот од Орегон, за кој ова беше седми пораз во последните осум натпревари.
Nikola #Jokic finished with 28 points, 9 rebounds and 9 assists as the Denver Nuggets won 124-95 over the Blazers. Jokic played only 28 min. He came out with 1:24 left in the 3rd quarter and and sat out the fourth.#Joker #JokicMVP #MileHighBasketball pic.twitter.com/lCPfcyXP56
— Daily Nikola Jokic Dose (@JokicDose) November 15, 2021
Ентони Дејвис беше најзаслужниот за триумфот на ЛА Лејкерс во пресметката со Сан Антонио спарс (114:106), откако средбата ја заврши со 34 поени. Лесна победа, осма во низа, остварија кошаркарите на Феникс кои немаа никакви проблеми во пресметката со Хјустон (115:89). Букер со 26 и Мекги со 19 поени беа најистакнати поединци кај „сонцата“.
Резултати: ЛА Лејкерс – Сан Антонио 114:106, Атланта – Милвоки 120:110, Шарлот – Голден Стејт 106:102, Хјустон – Феникс 89:115, Оклахома – Бруклин 96:120, Денвер – Портланд 124:95, ЛА Клиперс – Чикаго Булс 90:100.
