Велковски: Македонија реално е аутсајдер во баражот, но нема да се откаже од укажаната шанса за СП

– За расплетото клучен беше мечот Романија – Исланд во кој Романците загубија важни бодови. По славјето против Ерменија ни требаше победа против Исланд во последниот натпревар. Не беше лесно, но ја оставривме. На стадионот имаше многу луѓе, имаше одлична атмосфера, верувавме дека ќе победиме. Успеавме да поведеме, Исланд израмни и имаше уште неколку шанси. Се одбранивме и повторно поведовме, а кога играч на Исланд доби црвен картон беше јасно дека ќе славиме. Ова е голем успех за нас, ја искористивме нашата шанса – вели Велковски.

Сега со нетрпение се очекува жрепката на 26 ноември кога Македонија ќе го добие ривалот во полуфиналето кое ќе го игра на гостински терен.

– Можам да кажам дека сега го поминавме полесниот дел доколку ги погледнеме квалификациите за Светското првенство. Следува доигрувањето, се игра по нов систем, има многу добри репрезентации и реално на секој натпревар ќе бидеме аутсајдери. Наше е да го дадеме максимумот и да направиме сè за да ја искористиме шансата – додава Велковски.