Трофејниот шпански фудбалски стручњак Пеп Гвардиола би можел да ја напушти Европа по истекот на договорот со англискиот премиерлигаш Манчестер сити. Според странските медиуми, Гвардиола во летото 2023 година најверојатно ќе го преземе кормилото Њујорк сити, кој има ист сопственик како Манчестер сити.
Ваквата преселба ќе биде загуба за евро-фудбалот, но и голема добивка за Америка и тамошната МЛС.
Гвардиола (50 г.) на клупата кај „граѓаните“ пристигна во летото 2016 година од германскиот Баерн Минхен, а претходно ја водеше Барселона.
Под негвоо водство Манчестер сити трипати го освои англискиот шампионат, еднаш го освои ФА Купот, четири пати Лига купот и двапати Комјунити Шилд. Главниот предизвик, Лигата на шампионите, му останува само сон, а најблиску до тој трофеј беше годинава кога неговиот тим во финалето беше поразен од Челзи.
На „граѓаните“ и оваа сезона им оди добро. Тие се на второто место во Премиер лигата со бод помалку од лидерот Челзи. Прек крајот на групната фаза во ЛШ обезбедија пласман во осминафиналето.
