Леброн Џејмс го постигна својот 100. трипл-дабл учинок во кариерата, но Лос Анџелес Лејкерс загуби на гостувањето кај Мемфис со 108-95.
Леброн постигна 20 поени, имаше 11 асистенции и 10 скокови. Тоа за него беше јубилеен 100. трипл-дбал во кариерата. Само уште четворица кошаркари успеале да постигнат 100+ трипл-дабл учиноци, Расел Вестбрук, Оскар Робертсон, Меџик Џонсон и Џејсон Кид.
Во составот на Лејкерс повеќе поени од Леброн постигна само Дејвис, 22. Најефикасни кај Мемфис беа Џексон со 25 и Бејн со 23.
Слична судбина како Леброн имаше и српскиот центар, Никола Јокиќ. Со троен ефект тој беше најдобар на теренот (22 поени, 13 скока, 10 асистенции), но ниту тоа не беше доволно за победа во Сан Антонио. Спарси по два порази конечно запишаа победа и тоа водеа во текот на целиот меч, па на крајот се радуваа (123-111). Денвер губеше со највисоки +18, се врати до само шест, ама не успеа да дојде до егал и позитивен резултат.
Покрај запазената партија на Јокиќ, во Денвер се истакна и Гордон со 25 поени, додека кај Сан Антонио најдобри беа Вајт со 23, Вокер со 21 и Мареј со 20 поени.
Во текот на синоќешната програма и Јута Џез запиша триумф, на гостувањето кај Филаделфија 76ерс (96-118).
