Оливија Вајлд открива дека моменатлно се чувствува посреќна и поздрава од кога било.
37-годишната актерка е во врска со поп-ѕвездата Хари Стајлс (27), и таа признава дека е посреќна, и покрај „лажниот наратив“, како што рече, околу нивната романса.
Запрашана дали би сакала да се осврне на критиките за нивната романса, холивудската ѕвезда одговори: „Очигледно е примамливо да се поправи лажна приказна. Но, мислам дека она што го сфаќаш е дека кога си навистина среќен, не е важно што мислат непознатите за тебе. Важно ти е што е реално, што сакаш и кого сакаш.“
Оливија и Хари се запознаа минатата година на снимањето на филмот Don’t Worry Darling.
Таа е децидна дека нема да дозволи никакви негативни коментари да ја поткопаат нејзината среќа.
Оливија, која има две деца Отис (7) и Дејзи (5) со актерот Џејсон Судекис, изјави за списанието „Вог“: „Во изминатите десет години, како општество, многу повеќе го цениме мислењето на непознатите, а не на најблиските луѓе.“
„Посреќна сум од кога и да е,“ вели таа, додавајќи дека нејзината среќа е силно поврзана со нејзините деца.
„Родителството ве принудува да бидете искрени за тоа како го живеете својот живот. Тоа ги става во остар, јасен фокус одлуките што ги носите.“
