Ева Лонгорија откри дека е возбудена што ќе биде дел од тимот на претстојната документарна серија „Во потрага по Мексико“.
Таа ќе глуми и ќе биде меѓу продуцентите на Searching for Mexico, серија од шест епизоди, која ќе биде премиерно прикажана во 2022 година на „Си-ен-ен плус“ (CNN+).
46-годишната актерка, која може да се пофали со 22,4 милиони следачи на социјалните мрежи, се огласи во средата: „Тајната е откриена! Толку сум возбудена што ова ќе започне следната година! Голема благодарност до Стенли Тучи што ја постави лентата.“
Ева алудира на „Стенли Тучи: Во потрага по Италија“, документарна серија на Си-ен-ен за италијанската кујна, со 61-годишниот кандидат за „Оскар“, а кој е и извршен продуцент на новиот проект „Во потрага по Мексико“.
