Македонскиот фудбалски репрезентативец Тихомир Костадинов е претставен како нов играч на полскиот прволигаш Пјас Гливице.
-Многу сум благодарен за дадената шанса да играм во Гливице. Доаѓам во тим кој не толку одамна го освои шампионатот. Се надевам дека со мојата игра ќе придонесам за подобри резултати на клубот, рече Костадонов на претставувањето во новата средина.
Костадинов во Пјаст Гливице доаѓа по четири години поминати во словачкиот Ружомберок, каде што на 128 меча имаше биланс од 14 голови и 21 асистенција. Освен за Ружомберок, Костадинов има играно и за Моравац, Тетекс, Дукла Банска Бистрица и Злате Моравце.
По 19 одиграни кола, Пјаст е на 12-тото место на табелата со 23 бода во полското првенство.
