Рускиот претседател Владимир Путин откри дека возел такси за да врзе крај со крај по распадот на СССР.
Неговите зборови г пренесе државната новинска агенција РИА Новости во неделата, со филмот „Русија. Неодамнешна историја“ прикажан на телевизискиот Канал 1.Путин откри дека повремено работел како таксист за да ги зголеми своите примања.
„Понекогаш морав да заработам дополнителни пари“, рече Путин.
„Мислам, дополнително заработувате, како приватен возач. Незгодно е да се зборува за тоа, да бидам искрен, но за жал беше така“.
Распадот на СССР е колапс на историска Русија
Крајот на СССР донесе со себе период на интензивна економска нестабилснот која многумина втурна во сиромаштија додка новата независна Русија преминуваше од комунизам во каптиализам.
Путин, поранешен агент на советските безбедносни служби КГБ, кој жалеше за распадот на СССР, рече дека тој распад пред три децении останува трагедија за повеќето граѓани.
„Всушност, што е распадот на Советскиот сојуз? Тоа е колапс на исориска Русија под името Советски сојуз“, рече рускиот лидер.
Верен слуга на Советскиот сојуз, Путин беше ужаснат кога се распадна и еднаш го нарече колапсот „најголема геополитичка катастрофа на 20 век“.
