Коронавирусот создава се поголеми проблеми во англиската фудбалска Премиер лига каде има се поголем број на одложени натпревари. Денеска е потврден нов случај од редовите на Арсенал, кој за дербито против актуелниот шампион и лидер Мначестер сити нема да може да смета на советите од тренерот Микел Артета. Овој натпреавр е закажан за 1 јануари, а Артета кој добил позитивен тест ќе остане во изолација и нема да може да се надмудрува со својот „учител“ Пеп Гвардиола.
Арсенал има четири последовни победи во Премиер – лигата и се наоѓа во одлична форма, а сега ќе го има најголемиот предизвик против лидерот на табелата. „Топчиите“ успеаја да стигнат до четвртата позиција на табелата и сакаат да ја задржат во битката за ЛШ каде конкуренти им се Тотенхем, Вест Хем и Манчестер јунајтед.
