Македонскиот репрезентативец Стефан Спировски се враќа во Унгарија. Тој утре треба да потпише договор со унгарскиот прволигаш МТК и ќе биде соиграч со колегата од националниот тим, Бојан Миовски, како и со поранешниот фудбалер на Работнички, Себастијан Херера.
Спировски првиот дел од сезоната го мина во украинскиот Мариупол, а сега реши да ја прифати понудата на МТК и да се врати во Унгарија по три години. Тој во периодот од 2017 до 2019 година ги бранеше боите на Ференцварош.
Спировски ќе стави потпис на договор до крајот на сезоната, со опција за дополнителна година доколку МТК го обезбеди прволигашкиот статус и за наредниот шампионат.
