Претседателот на Казахстан, Касим Јомарт Токаев денеска им се обрати за помош на шефовите на државите на Организацијата за колективна безбедност (ОДКБ), воена алијанса предводена од Русија.
– Сметам дека е соодветно да им се обратам на партнерите од ОДКБ – рече Токаев.
Тој посочува дека терористичките банди ја преземаат контролата над најважните инфраструктурни објекти во земјата.
Да потсетиме, членки на ОДКБ се Русија, Ерменија, Казахстан, Таџикистан и Узбекистан.
Претседателот на Казахстан, Касим Јомарт Токаев денеска потпиша указ за воведување вонредна состојба во регионот Алмати. Со уредбата е воведен и полициски час од 23 до 07 часот.
Токаев нареди да се формира комисија за проучување на ситуацијата, а на 4 јануари објави дека е подготвена да го исполни главното барање на демонстрантите и да ги намали цените на бензинот.
Сепак, протестите се проширија и во другите градови. Вечерта на 4 јануари, демонстрантите се судрија во Алма-Ата со полицијата која употреби гас и шок бомби.
