Викторија Бекам се враќа на деновите од „Спајс грлс“ во мал црн мини фустан додека им се придружува на родителите и сопругот Дејвид Бекам на неговата нова суперјахта вредна 5 милиони фунти, а која го доби името Seven по бројот на неговиот дрес во Мајами.
На модната дизајнерка (47) и фудбалскиот ас (46) им се придружија нејзините родители Ентони и Џеки Адамс на бродот долг 93,5 метри додека се подготвуваа да испловат од местото каде што беше закотвен во Мајами.
И славните домаќини се чини дека добро се снаоѓаат додека ги служат гостите со пијалоци на сребрен послужавник пред да тргнат на мини-крстарење по зајдисонце на бродот произведен во Италија.
Минатиот месец беше објавено дека Дејвид се „почастил“ со луксузниот брод во кој помогнал да се дизајнира откако бил инспириран од поморските излети со Елтон Џон и Дејвид Фурниш – кои често летуваат на море.
Извор откри за весникот „Сан“ дека Дејвид разгледувал некои јахти летото и решил да се почести. Тој самиот помогнал во дизајнирањето на пловилото.
„Не е мегајахта во стил на олигарх, но е прилично добра. Дејвид доби инспирација по одморот со Елтон Џон и Фурниш на нивниот брод – и го засака животот на вода.“
„Ќе има простор за нуркање на децата, а бродот ќе биде одлична основа за целиот клан Бекамови за магични одмори во странство“.
