Додека минатогодишните победници на Евровизија, Манескин, го освојуваат
светот и неодамна ја споделија сцената со легендарните Ролинг Стоунс во
Лас Вегас, Бугарија се погрижи овогодинешниот избор за песна на
Евровизија да биде во рокенрол стил.
На претстојниот Избор за песна на Евровизија во Италија во мај, Бугарија ќе
ја претставува рок групата Intelligent Music Project, предводена од пејачот
Рони Ромеро, значајна фигура во светот на рокот и хеви металот.
Да потсетиме, Ромеро во својата кариера пеел во многу големи бендови, како
Lords of Black, Walter Giardino’s Temple, The Ferrymen, Vandenberg,
Sunstorm… а одреден период беше и фронтмен на легендарниот бенд
Rainbow со Ричи Блекмор.
Intelligent Music Project ќе се натпреварува со класичната хеви-рок песна
Интенција, за која веќе е снимен атрактивен спот, а овој избор гарантира
неверојатно добар настап на торинската сцена, но и големите амбиции на
Бугарија на престижното натпреварување.
Креатор на Intelligent Music Project, кој работи во различни области од 2010
година, е познатиот бугарски бизнисмен и филантроп Милен Врабевски, а
покрај Ромеро, во актуелниот состав на бендот се и Бисер Иванов, Славин
Славчев (Х-Фактор Бугарија победник), Иво Стефанов, Димитер Сираков и
Стојан Јанкулов.
Се чини дека Евровизија оваа година ќе биде вистинско рок натпреварување,
бидејќи на широко се зборува дека изведувачи од сличен музички стил ќе
испратат Финска, Германија, Молдавија… Натпреварот годинава се одржува
во Торино, полуфиналето е закажано за 10-ти и 12-ти мај, додека големото
финале е на 14 мај во арената Пала Алпитур
