Кошаркарите на Денвер нагетс славеа со убедливи 136:100 на гостувањето кај шампионот Милвоки бакс, а повторно блескаше Никола Јокиќ.
Јокиќ на теренот помина само 28 минути но и покрај тоа постигна 18 поени, имаше 15 асистенции и 9 скокови.Ерик Гордон беше најефикасен во победничкиот тим со 24 поени, Морис уфрли 18 поени.Кај шампионот Милвоки Бакс најефикасен беше Јанис Адетокумбо со 29 поени, Дру Холидеј со 14, а Портис и Ален уфрлија по 11.
Тоа што дополнително ги изненади навивачите на Денвер нагетс е што Јокиќ за време на тајм-аут реши да ја земе таблата за акции од тренерот Мајк Мелоун, по што им објасни на соиграчите како да играат.
Coach Jok hard at work pic.twitter.com/ccujQoofaS
— Nnaji by Nature (@nuggetstan11) January 31, 2022
Кошаркарите на Феникс санс со победата над Сан Антонио спарс од 115:110 му овозможија на тренерот Монти Вилијамс да биде тренер на Ол стар натпреварот. Девин Букер постигна 28 поени, додека Бриџис 26.
Минесота ја победи Јута со 126-106, фантастичен натпревар одигра Таунс, кој направи трипл дабл, запишувајќи 31 поен, 11 скока и 10 асистенции, Џејден МекДаниелс додаде 22 поени од клупата.
Орландо го преживеа седмиот трипл-дабл на Дончиќ во сезоната, 34 поени, 12 скока и 11 асистенции за Словенецот. Лука го завеи својот 43 трипл дабл. Херојот на победата на Меџик беше Франц Вагнер, кој ги постигна победничките кошеви.
Резултати:
Детроит – Кливленд 115:105
Милвоки – Денвер 100:136
Орландо – Далас 110:108
Минесота – Јута 126:106
Феникс – Сан Антонио 115:110
Атланта – ЛА Лејкерс 129:101
Шарлот – ЛА клиперс 90:115
Чикаго – Портланд 130:116
