Шефот на „Спотифај“ изјави дека е премногу рано да се знае како контроверзите околу подкастот на Џо Роган, кој во просек има 11 милиони слушатели по епизода, ќе ја погодат компанијата.
Музичари, вклучително и Нил Јанг и Џони Мичел, побараа нивната музика да се отстрани од платформата по критиките дека водителот Роган помогнал да се шират дезинформации за Ковид.
Ова доаѓа во време кога „Спотифај“ проектира побавен раст на претплатници за овој квартал.
Акциите на компанијата за стриминг на музика паднаа за повеќе од 10% во тргувањето по работното време.
„Обично кога сме имале контроверзи во минатото, тие се мереле со месеци, а не со денови“, им рече на инвеститорите извршниот директор на „Спотифај“, Даниел Ек.
„Ние не ги менуваме нашите политики врз основа на еден креатор, ниту пак се менуваме врз основа на кој било медиумски циклус или повици од некој друг“, додаде тој.
Компанијата соопшти дека приходите за последните три месеци од 2021 година се искачиле на 2,69 милијарди евра (3 милијарди долари), лесно надминувајќи ги очекувањата на пазарот.
