Египет на пенали го победи Камерун, и ќе игра во финалето на Африканскиот куп на нации против Сенегал. Домашната селекција издржа 120 минути да не прими гол од опасните Фараони, но Камемрунците немаа нерви во пенал серијата, и од четири шута, погодија само еднаш.
Јунак на Египет е голманот Мохамед Абу Габал, познат по прекарот Габаски, кој одбрани два пенали, а од страв да не им одбрани Габаски, еднаш Камерунците шутнаа вон рамките на голот. Сите шутери на Египет беа прецизни како и против Брегот на слонова коска во осминафиналето.
За Египет ова ќе биде десетто финале, и одат по рекордната осма титула.
Сенегал вчера беше убедлив и со 3:1 ја победи Буркина Фасо. Победникот беше решен во последните 20 минути од натпреварот.
Сенегал во 70.минута поведе со голот на Диало, а шест минути подоцна Диенг го зголеми водството. Буркина Фасо намали на 2:1 преку Туре во 82.минута, но најдобриот фудбалер на Сенегал, Мане го реши натпреварот две минути пред крајот.
Па така двајцата напаѓачи на Ливерпул, Салах и Мане ќе играат еден против друг во финалето на АКН.
