Аргентинската тениска ѕвезда Хуан Мануел Дел Потро објави крај на кариерата и неговиот последен турнир ќе биде турнирот во родната Аргентина, во Буенос Аирес, по што ќе се повлече, па вечерва се расплака пред новинарите објавувајќи крај на својата кариера.
Дел Порто е поранешен освојувач на УС-опен, кој го освои пред 13 години и тоа е негов единствен гренслем турнир што го освоил, а има две полуфиналиња на Роланд Гарос и едно на Вимблдон, а со Аргентина го освои Дејвис-купот и има сребро од ЛОИ во Рио де Жанеиро во 2016 година, како и бронза од ЛОИ во Лондон во 2012 година.
„Тенисот е мојот живот, мојата страст“, рече Дел Потро со солзи во очите, па продолжи: „Многу го сакам овој спорт, но тешко е да продолжите со толку многу болка“.
Дел Потро заминува во пензија после серија на повреди поради кои не успеа да биде и уште подобар и кои го прекинуваа во кариерата, па Аргентинецот на 33 години се реши да заврши со професионалниот спорт.
“AMO ESTE DEPORTE, PERO ES DIFÍCIL LIDIAR CON TANTO DOLOR” Delpo regresa al tenis simplemente para despedirse de manera oficial. Así se emocionó en conferencia. pic.twitter.com/7dEXH11g5C
— SportsCenter (@SC_ESPN) February 5, 2022
