Реал Мадрид не го доби тоа што го сакаше според играта која ја прикажа, шпанскиот тим одеше на 0-0 на гостувањето кај Пари Сен Жермен и за малку ќе успеаја, бидејќи во 94-та минута Килијан Мбапе даде гол за победа на ПСЖ од 1-0.
Вечерва, шпанскиот гигант не се спои со топка, не создаде ниедна шанса и не упати ниеден директен удар, па сепак до судиското продолжение беше пред реми без голови.
Сепак, реваншот во шпанската престолнина ќе одлучува за патникот во следната фаза. Голем проблем за Реал ќе биде неиграњето на цврстите Касемиро и Ферлан Менди, па одбраната ќе им биде значително ослабена.
Тибо Куртоа му одбрани пенал на Лионел Меси и беше најзаслужен што Реал не прими повеќе од еден гол. Пеналот кој непрецизно го изведе Лионел Меси против Реал Мадрид, беше историски бидејќи Аргентинецот постави два рекорди во Лигата на шампионите.
За Меси, тоа беше 23-ти изведен пенал во ЛШ, и тоа е нов рекорд. На 22 изведени пенали е Кристијано Роналдо.
Меси испиша и негативен рекорд. Тој му се придружи на Тјери Анри како фудбалери кои утнале најмногу пенали во Лигата на шампионите, имаат по пет утки.
Манчестер сити со 5-0 го декласираше Спортинг во Лисабон, и ги реши сите дилеми околу патникот во четвртфиналето. Четири од петте гола беа постигнати во првото полувреме погодуваа два пати Бернардо Силва и по еднаш Марез и Фоден, а во вториот дел Стерлинг стави точка.
