Ливерпул ја продолжи победничката низа на пет натпревари по ред откако денеска со 3-1 го совлада Норич во рамки на 26.коло во Премиерлигата.
Откако по првото полувреме немаше голови, Милот Рашица погоди за гостите во 48.минута за 0-1. „Црвените“ го свртеа резултатот за кратко време, бидејќи погодија Садио Мане и Мохамед Салах во 64. и 67.минута. Точка на победата за Ливерпул стави новото засилување Луис Дијаз во 81.минута.
Хаким Зијех погоди во 89.минута и му донесе триумф од 0-1 на Челси на гостувањето кај Кристал Палас.
Емил Смит-Роу и Букајо Сака стрелаа за Арсенал во победата од 2-1 против Брентфорд.
Вест Хем и Њукасл со резултат 1:1, го отворија 26.коло во англиската Премиер лига. Вест Хем нарпавија уште еден кикс во борбата за Лигата на шампионите, додека Њукасл ја продолжија успешната серија, „страчките“ се непоразени на последните шест натпревари.
