Зајков во изјава за „Телма“ кажа дека во градот сè функционира нормално и не владее паника, иако веќе неколку денови ситуацијата меѓу соседите Украина и Русија е напната и пред ескалација.
„Го слушнав апелот на Министерството за надворшени работи, но по разговорот со админстрацијата на тимот бевме убедени дека ситуацијата не е толку сериозна и нема простор за паника. Доколку нешто се промени, ќе нè известат нас, а дотогаш треба да ги следиме инструкциите од клубот. Засега не планирам да се враќам во Македнија, ситуацијата е смирена. Украинците велат дека оваа ситуација во Донбас трае веќе осум години и секоја година се случуваат истите тензии. Луѓето си функционираат нормално, отворено е сè, нема ништо необично“, вели Зајков.
Македонецот се очекува да дебитира за екипата на Ворскла на 27 февруари, а кажа дека во моментов се чувствува добро и со нетрпение го чека мечот во март против Италија во мундијалскиот бараж.
„Постојано размислувам за бараж-натпреварите. Се надевам дека ќе ја израдуваме цела нација и ќе се пласираме на Светско првенство“, кажа стоперот.
