Холивудските актери ѝ оддадоа почит на Украина во текот на доделувањето на наградите на Здружението на филмски актери (САГ) во неделата вечерта, притоа истакнувајќи ги корените на претседателот Володимир Зеленски во забавната индустрија.
„Претседателот на Украина е поранешен комичар“, рече актерот Брајан Кокс при примањето на наградата. „Тој беше прекрасен комичар и ние треба да го почитуваме тоа, и навистина е неверојатно што дојде на претседателска функција“.
Актерката Џесика Честејн во својот говор рече: „Моето срце е со оние кои се борат за својата безбедност и својата слобода“, додека ТВ водителката Грета Ли прошета по црвениот тепих во сино-жолт фустан, боите на украинското знаме.
Лејди Гага, Мајкл Даглс, Ендру Гарфилд беа меѓу ѕвездите кои изразија поддршка за Украина.
