Министерот за наворешени работи, Бујар Осамни, информира дека семејството Спирковиски, кое беше заглавено во Хараков со новороденче старо неколку дена, е на пат да ја напушти Украина.
„Семејството Спирковски од градот Харков, кое беше во најтешка состојба, со новороденче кое има само неколку дена, во моментот е дел од посебен безбедносен коридор на повеќе од 100 км од градот и е на пат да ја напушти Украина. Тие се на безбедно и се во добра состојба. Очекувам во текот на денот да ја напуштат Украина и потоа со асистенција на нашата дипломатска мрежа, од соседството на Украина, ќе се воспостави нивниот транспорт до Скопје“, напиша Османи на „Фејсбук“.
Во Хараков, градот што најмногу е погоден од воените дејства, веќе нема македонски државјани, информира Осамни.
