Екипата на Интер ја прекина лошата серија и со „петарда“ против Салернитана (5-0) се врати на лидерската позиција во Серија А.
„Нероаѕурите“ пет натпревари во низа немаа ниту една победа (сите конкуренции),немаа погодок на четири меча по ред, а Лаутаро Мартинез од декември. Меѓутоа клубот од Милано вечерва покажа друго лице и цехот за претходните лоши изданија го плати Салернитана која прими пет „парчиња“ во нивната мрежа.
Лаутаро Мартинез даде два гола во првото полувреме, и двата по асистенција од Барела за водство на Интер по првото полувреме од 2-0.
По десетина минути игра во вториот дел, по асистенција од Џеко, Лаутаро реализираше хет-трик за водство на Интер од 3-0.
Во 64. минута Џеко зголеми на 4-0, а пет минути подоцна Босанецот даде уште еден гол за конечни 5-0.
Интер има 58 бода, еден повеќе од Наполи и Милан кои имаат меѓусебен дуел ова коло.
