Леброн Џејмс ја одигра една од најдобрите партии во кариерата во победата на неговите Лос Анџелес Лејкерс над Голден Стејт Вориорс од 124-116.
Во рекордна партија по преминувањето во Лејкерси, Леброн имаше 56 поени за 38 минути игра, за да стане првиот кошаркар во историјата со меч од 50 поени пред својот 21. роденден и по својот 35. роденден, иако не го сруши рекордот на Коби Брајант од 60 поени за играч над 35 поени.
Од другата страна, Голден Стејт сега имаат четири порази во низа, и не помогнаа ниту Стеф Кари (30 поени) и Џордан Пул (21). За Лејкерс покрај Леброн, Расел Весбрук додаде 20 поени, а Кармело Ентони 14.
По подобриот старт на Лејкерси, Голден Стејт се вратија во втората четвртина и направија предност од 14 разлика, пред на сцена да стапи Леброн, кој имаше 40 поени пред последната четвртина.
Во останатите натпревари од синоќешната понуда: Далас – Сакраменто 114-113, Шарлот – Сан Антонио 123-117, Мајами – Филаделфија 99-82, Мемфис – Орландо 124-96 и Минесота – Портланд 135-121.
