Неколку гробници и оловен саркофаг кои најверојатно датираат од 14 век беа откриени од археолози во катедралата Нотр Дам во Париз додека продолжува работата на реконструкцијата на зградата по разорниот пожар во 2019 година, пишува „The Guardian“.
Погребните места „со извонреден научен квалитет“ беа откопани за време на подготвителната работа за обнова на шпицот на античката црква, објави француското Министерство за култура.
Меѓу гробниците имало и „целосно сочуван саркофаг во човечка форма направен од олово“. Се смета дека ковчегот бил направен за висок достоинственик во 1300-тите, векот по изградбата на катедралата.
Откритијата беа направени додека тимовите за реконструкција ја проверувале стабилноста на земјата, пред поставувањето скелиња за обнова на шпицот. Во тој процес, тие откриле подземен систем за греење од 19 век, со саркофагот кој лежи меѓу неговите цевки од тули.
И покрај возбудата од откритието, часовникот отчукува за археолозите. Тие добија рок до 25 март да ја завршат својата работа пред да продолжи проектот за реконструкција, со цел да се одржи планираното повторно отворање на катедралата во 2024 година.
Archeologists have uncovered a lead sarcophagus that probably belonged to a high dignitary under Notre-Dame cathedral and said it could date back to the 14th century https://t.co/0c6C990pT6 pic.twitter.com/D0oHGioQzp
— Reuters (@Reuters) March 16, 2022
