Македонската фудбалска репрезентација полета за Порто каде во вторник ќе го одигра финалниот натпревар од ждрепката за пласман на Светското првенство во Катар против фаворизираната Португалија.
„Црвено-жолтите“ на патувањето ги испрати Премиерот Димитар Ковачевски и им вети премија од 500 илјади евра за победа над Португалците и пласман на Мундијалот во Катар.
„Шампиони, вие сте за нас секако победници и гордост на сите нас. Веруваме во вас, и затоа сакам да ви посакам успех на натпреварот со Португалија, а ние како Влада најмалку што може да направиме е да издвоиме за вас награда од 500.000 евра ако се пласирате на Светско првенство“, изјави Ковачевски.
