Вкупно 11 натпревари беа одиграни изминатата ноќ во НБА лигата, а повторно доминираа играчите од екс-ју просторите.
Лука Дончиќ во дресот на Далас одигра уште една одлична партија, овојпат на дуелот против Кливленд (112:120).
Словенецот имаше учинок од 35 поени, 13 асистенции и девет скокови, а особено воодушеви со потегот кога ја „скри“ топката и успеа да реализира.
Повторно блескаше и Никола Јокиќ, српскиот центар во редовите на Денвер запиша 39 поени, 13 скокови и девет асистенции во победата на Денвер кој беше подобар од Индијана (118:125). На спротивната страна за Пејсерси доминираше Бади Хилд со 20 реализирани коша.
Денвер е на петтата позиција во Западната конференција, веднаш зад Далас на петтото место.
НБА лига, резултати –
Кливленд – Далас 112-120
Индијана – Денвер 118-125
Вашингтон – Орландо 127-110
Бостон – Мајами 98-106
Њујорк – Шарлот 114-125
Торонто – Минесота 125-102
Хјустон – Сакраменто 118-121
Оклахома – Атланта 118-136
Сан Антонио – Мемфис 111-112
Голден стејт – Феникс 103-107
Портланд – Њу Орлеанс 107-117
