Аријана де Бозе, која освои „Оскар“ за улогата на Анита во „Приказна од западната страна“ на годинешната церемонија, за малку ќе ја пропуштила аудицијата бидејќи мислела дека нема шанси да ја добие улогата.
31-годишната актерка ја доби златната статуетка во категоријата најдобра актерка во споредна улога во римејкот на Стивен Спилберг на мјузиклот од 1961 година.
Таа сметала дека нема да биде кандидат за улогата бидејќи не е доволно позната и не личи на Рита Морено, која глумеше во оригиналниот филм.
Во разговор со Никола Кофлан за списанието „Интервју“, ѕвездата на „Бриџертон“ ја праша Аријана: „Прочитав дека не си сакала да одиш на аудиција за West Side Story?“
Аријана ѝ рече: „Па, и да и не. Не се чувствував како кандидат бидејќи немав 500.000 следачи на социјалните мрежи. Не бев име. Јас сум од Бродвеј и обично кога прават филмски мјузикли во САД, не користат театарски таленти, туку поп-ѕвезди. Другата работа беше што ликот Анита не личеше на мене – таа не е Афроамериканка“.
