Интер се радува на победа на теренот во Торино против Јувентус, во мечот кој го има приматот Дерби на Италија. Нераѕурите со овие три бода стигнаа до 63 бодови, три помалку од Милан и Наполи кои се на првите две позиции.Наполи има еден натпревар повеќе од Милан и Интер.
Јувентус остана на 59 бодови и сега Старата дама повторно е далеку од трката за скудетото.
Моментот на одлука на дербито во Торино беше во последните минути од првото полувреме. Судиите од ВАР собата одлучија дека има пенал за Интер, а ударот на Калханоглу од белата точка го одбрани Хандановиќ.
Одбиената топка заврши во мрежата, но главниот судија покажа фаул во напад од Калханоглу. Сепак, наместо топка за Јувентус, повторно се јавија арбитрите од ВАР собата. Одлуката беше дека пеналот треба да се повтори поради прерано влегување во шеснаесетникот на Де Лихт. Од вториот обид од белата точка, Калханоглу погоди за 1:0 за Интер.
Пенаалот може да го видите тука
Во второто полувреме Јувентус се обидуваше да израмни, а во последните неколку минути имаше две ситуации по кои играчите на Старата дама бараа пенал, но не добија.
На крајот, по 10 години пауза, Интер победи на гости кај Торино.
