Амбер Херд се надева дека таа и Џони Деп можат да продолжат понатаму, секој по својот пат, откако ќе заврши судскиот спор за клевета.
Поранешниот сопруг Деп ја тужи 35-годишната актерка за клевета и бара оштета од 50 милиони долари. Имено, во текст што таа го напиша за весникот „Вашингтон пост“, себеси се опишува како жртва на семејно насилство. Амбер не го именува Џони во написот и поднесе контратужба за 100 милиони долари.
Судскиот процес треба да почне денес (11 април) во Вирџинија.
Најавувајќи го претстојното судење на социјалните мрежи, актерката од „Аквамен“ напиша: „Ќе бидам офлајн следните неколку недели.“
„Како што можеби знаете, заминувам за Вирџинија каде ќе се соочам со мојот поранешен сопруг Џони Деп на суд.
„Џони ме тужи за авторски текст што го напишав во ‘Вашингтон пост’, во кој го раскажав моето искуство со семејно насилство“.
Амбер, која беше во брак со ѕвездата на „Пиратите од Карибите“ од 2015 до 2017 година, напиша: „Никогаш не го именував, туку пишував за цената што жените ја плаќаат ако проговорат јавно против луѓе со големо влјание. Продолжувам да ја плаќам таа цена, но се надевам кога ќе заврши овој случај, ќе можам да продолжам понатаму и Џони исто така.“
