Барселона доживеа вистински шок среде „Камп Ноу“, откако аутсајдерот Кадиз со резултат од 0-1 оствари голема победа на гостински терен во рамки на 32. коло во Ла Лига.
Каталонците пред овој меч на стадионот „Камп Ноу“ беа во одлична победничка серија триумфираа над Леванте, Севиља, со по 4:0 ги прегази Осасуна и големиот ривал Реал Мадрид и сите очекуваа дека вечерва само рутински ќе дојдат до трите бода.
Во овој меч домаќините влегоа зашеметени од поразот во Лига Европа од Ајнтрахт, а неуспехот со Кадиз зададе нов удар. Ова воедно е и прва победа за Кадиз во историјата на „Камп Ноу“.
Кадиз го отвори мечот преку Лука Перез во 48. минута. По овој гол гостите и нанесоа неочекуван удар на каталонците, па домаќините на грб имаа дополнителен притисок за да се вратат во игра и да го свртат натпреварот.
Тимот на Чави Ернандез ја имаше целосната доминација на овој двобој, но недостасуваше реализација како во првото, така и во второто полувреме.
Барселона по овој пораз се наоѓа на второто место во Ла Лига со 60 бода, исто колку што имаат Севилја и Атлетико Мадрид.
