Поранешниот американски претседател Доналд Трамп гостуваше во емисијата на Пирс Морган и жестоко ги распали принцот Хари и неговата сопруга, актерката Меган Маркл.
Принцот Хари и Меган го напуштија кралското семејство, даваа експлозивни интервјуа во кои се жалеа на нив, а дури неодамна зачекорија заедно во Британија каде се сретнаа со кралицата и принцот Чарлс.
“Не ја сакам Меган, не сум ја сакал досега, мислам дека го влече кутриот Хари за нос. Тој стана папучар како никој друг, вакво нешто никогаш не сум видел. Тој брак сигурно ќе заврши, и нема да заврши убаво“, рече Трамп.
„Само се прашувам што ќе се случи кога Хари ќе одлучи дека му е преку глава некој да му биде постојан шеф. Или, што ако таа одлучи дека ѝ се допаѓа некој друг повеќе од Хари“, рече Трамп.
„Ужасно е што го напуштија кралското семејство, а кога бракот ќе заврши, Хари ќе моли да го примат назад. Мислам дека е голем срам за семејството. Да бев кралица Елизабета Втора, ќе ги одземев сите неговите титули. Кралицата и е лојална на нејзината земја, која е величествена, а принцот Хари покажа само непочитување кон неа“, изјави Трамп.
