Српски Партизан доживеа нов голем удар. Светската куќа на фудбалот (ФИФА) го казни клубот од Белград со забрана за регистрација на нови фудбалери во следните три преодни рока.
Ова значи дека црно-белите нема да бидат во можност да регистрираат нови играчи до зимата 2024 година. Медиумите во Србија пренесуваат дека причина за ваквата жестока казна кон Партизан е неисполнувањето на обврските кон Лугано за трансферот на Филип ХолендерОбврската на клубот од Белград беше до март да го подмири заостанатиот долг, но парите не биле уплатени на сметката на Лугано, па Швајцарците се пожалиле до ФИФА. Реакцијата на Светската куќа на фудбалот била брза и Партизан сега се најде во сериозни проблеми.
