Русија не сака предавање на украинскиот претседател Володимир Зеленски, а оваа руска операција не е промена на режимот во Украина.
Во интервју за италијанската телевизиска куќа Медиасет, министерот за надворешни работи, Сергеј Лавров, на прашањето дали Русија сака Зеленски да се предаде и дали тоа е услов за мир, рече дека Русија не сака тој да се предаде туку да издаде декрет за „ослободување на сите цивили“, односно запирање на отпорот.
„Нашата цел не е да го смениме режимот во Украина. Тоа е американски специјалитет. Така играат низ целиот свет“, додаде Лавров, пренесува Sputik.
Според него, Москва сака да „заврши милитаризацијата и нацификацијата на оваа земја и да не ја загрозува безбедноста на Руската Федерација преку територијата на Украина“.
Тој додаде дека Зеленски може да донесе мир во земјата доколку го принуди „неонацистичкиот баталјон“ да престане да дава отпор.
-Зеленски ги имаше сите карти в раце, но јавно, дури и арогантно рече дека никогаш нема да го спроведе Минскиот договор, бидејќи тоа ќе значи рушење на Украина, а Договорот треба да го спроведат Русите. Русија мора да обезбеди безбедност на рускиот народ во источна Украина за да не добиваат повеќе закани, како и оние за Руската Федерација
Јас слушнав како вели дека нема да зборуваме за демилитаризација и денацификација. Тие веќе осум години ги саботираат овие преговори, како и договорот од Минск, рече Лавров.
Тој исто така рече дека „САД и Канада обучувале неонацистички движења кои се приклучиле на редовната украинска армија“.
„Што се однесува до Азов, објавени се документи кои потврдуваат дека се Американци, а посебно Канаѓаните имале голема улога во обуката на ултрарадикални, отворени неонацистички дивизии во Украина. На нив беше да се погрижат неонацистите да се приклучат на украинската армија, така што постепено во секој одред луѓето од Азов би имале водечка улога“, рече Лавров.
