Мемфис во вториот натпревар од серијата кој прв до четири победи во полуфиналето на Западот од кошаркарската НБА лига го победија Голден стејт со 106:101 и израмни на 1:1 во победи. Следните два натпревари ќе се играат во Сан Франциско, каде Вориорс ќе се обидат да стигнат до „меч топката“ во оваа серија и можност да одат понатаму, со предност од брејк и домашен терен.
Џа Морант одигра неверојатен натпревар и постигна 47 поени во победата за Мемфис. Тој самиот ги постигна последните 15 поени за тимот и самиот го доби фаворитот. Стеф Кари со 27 поени беше најдобар во редовите на Вориорс.
Бостон го совлада актуелниот првак Милвоки со 109:86 во полуфиналето од плејофот на Истокот. Резултатот сега е 1:1, а серијата се сели во Милвоки, каде се играат следните два натпревари. Џејлен Браун постигна 30 поени за Бостон. Јанис Адетокумпо со 28 поени беше најдобар во редовите на Милвоки.
