Филаделфија и Далас изедначија на 2:2 во победи во полуфиналните конференциски серии од најсилната кошаркарска лига на светото – НБА. Филаделфија на Истокот во трката кој прв до четири победи го совлада Мајами со 116:108, а Далас на Западот беше подобар од Финикс 111:101.
Словенечкиот ин теранционалец Лука Дончиќ го предводеше Далас до израмнување во победите. Дончиќ натпреварот го заврши со 26 поени со кои стана трет најефикасен кошаркар во историјата на НБА во првите 20 одиграни натпревари во плеј-офот. Пред него се Мајкл Џордан со 718 и Вилт Чембрлен со 705.
Далас триумфот го најави во првата четвртина од мечот кога направи двоцифрена предност и постигна 37 поени. Најефикасен играч на Феникс беше Девин Букер со 34 поени.
Џејмс Харден даде 16 од вкупно 21 поен во последната четвртина колку постигна неговата екипа и со вкупни 31 поен ја предводеше Филаделфија до победа со 116:108 против Мајами. На Мајами не му помогнаа и 40 поени на Батлер да го избегне поразот и да дојде до чекор на триумф во серијата.
Следниот натпревар од серијата ќе се игра во ноќта меѓу вторник и среда во Мајами.
